پاکستان کے سب سے بڑے شہر کراچی میں گھر کے باہر گاڑی پارک کرنے سے روکنے والی خاتون تشدد سے ہلاک ہوگئیں۔
کراچی کے علاقے نارتھ ناظم آباد ٹاؤن کی آبادی عرفات ٹاؤن میں پیش آنے والے واقعے میں ہلاک ہونے والی خاتون کی شناخت بانو زوجہ اسماعیل کے نام سے ہوئی ہے۔
مقامی پولیس کا کہنا ہے کہ ’متوفیہ کے ورثا لاش کو بغیر پوسٹ مارٹم اپنے ہمراہ لے گئے ہیں۔ پوسٹ مارٹم کے بغیر وجہ موت کا تعین نہیں ہو سکتا۔‘
پولیس کے مطابق ’ہم نے ورثا کو پوسٹ مارٹم کا کہا مگر انہوں نے منع کر دیا، بغیر پوسٹ مارٹم کے مقدمہ درج کرانے میں مسائل ہوں گے۔‘
کوئی تبصرے نہیں: